Fergestadene over Sauarelva
SAUHERAD HISTORIELAG er ein av fire organisasjonar i Bø og Sauherad som gjestar denne spalta på omgang.Dei andre er Sauherad og Nes sokn, Evju bygdetun, Bø Museum og Bø kyrkje.
Det var to fergestader over Sauarelva. På Akkerhaugen var ferga ganske stor og hang i ein lang wire som var festa i land på begge sider. Her blei det frakta både folk, dyr, varer og vogner.
Den blei trekt med handmakt og dei som hadde arbeid med å frakte folk over Sauarelva blei kalla sundmenn. På elvebreidda ved Østre Akkerhaugen sto framleis i 1950- og 1960-åra ei stugu som blei kalla for Sundmannstugo. Her budde sundmannen og han hadde ansvaret for å få folk, hestar og vogner over elva Dette heldt fram til veg- og jernbanebrua ved Akkerhaugen sto ferdig i 1924.
