KÅL – matnyttig for folk flest til alle tider
EVJU BYGDETUN er ein av fire organisasjonar i Bø og Sauherad som gjestar denne spalta på omgang.
Kål er ei gamal kulturplante som fyrst blei dyrka i Europa. I Theofrastos skriftlege kjelder frå 350 f.Kr. står namn på tre slag kål medan Plinius i år 50 e.Kr. skriv om seks slag. Det står skrive om kål i sagaen om Olav den Heilage og i lover frå 1000 – 1200-talet. På 1500-talet var det vanleg med kålhagar i Bergen og Stavanger med fleire slag.
