PÅ TORGET: Jo David Meyer Lysne, Aslaug Norendal, Jorid Vale og Ida Ytreland på torget, der mykje skal skje.
FOTO: Gro B. Røiland
Byr på lokal folkefest og sus av den store verda
Kulturgruppa i Norsk Eplefest har noko for alle på årets eplefestmeny. – Me tenker lokal kultur, men også eit sus av den store verda, seier leiar Aslaug Norendal.
Etter nokre år utan kulturinnslag på marknadsdagen under Norsk Eplefest, kom det tilbake for fullt i fjor. I år er kulturaktiviteten større enn nokon gong, med ny satsing på Norsk Eplefest som vekstarena for unge, lokale kunstnarar. Også aktivitetar retta mot barn er utvida.
