– Det er stas å få han tilbake hit
Han er godt kjent på Akkerhaugen og i landet elles. Nå kjem han tilbake til Akkerhaugen stasjon med sitt faste band.
– Det er stas å få han tilbake, spesielt etter konserten i Myrens dam på Notodden Bluesfestival, ein konsert som allereie er legendarisk. Nå er Kåre 80 år og tilsynelatande i betre form enn på lenge, seier Bjørn Arve Skjeslien i Akkerhaugen Rocksamfunn.
Laurdag kveld blir det konsert med Kåre Virud Band i Akkerhaugen Rocksamfunn.
Dermed kjem blues-, vise- og rockmusikaren tilbake til stasjonsbygningen der han både har budd og spela mange gonger før.
Kan feire jubiléum
Annonse
Med i bandet har Virud Tore Wildhauer, Baard Slagsvold og Espen Fjelle. Konserten på Akkerhaugen laurdag kveld er den fyrste dei gjer etter Myrens dam, der dei spela for rundt 1000 menneske.
Virud kan i år feire 50-årsjubileum for debutalbumet Barbeint engel. På konserten blir det både gamle låter og nyare ting.
Skjeslien reknar med bra besøk og fortel at Virud har ein god fanskare i området.
