Det tok lang tid før den første klassa kunne starte opp her
Flyfoto frå Bø. Widerøe Flyselskap dreiv mykje med flyfotografering i heile Noreg på 1950-talet og fram til dei fyrste åra på 60-talet. Selskapet hadde over 300.000 slike bilete då dei fekk nye eigarar i 1968. I 1970 blei denne samlinga selt ut av selskapet. I dag er det Bø museum som har hand om flybileta med motiv frå Bø. Desse er no lagt ut på Digitalt museum.
Telemark språk- og realskule starta det første skuleåret sitt den 20. august 1923. Med opninga av skulen fekk 30-40 ungdommar frå Bø og andre bygder i Telemark utdanning i nærområdet. På den tida hadde det allereie vore jobba for å få etablert eit landsgymnas her i Bø. Det tok lang tid før den første gymnasklassa kunne starte opp. Det skjedde først etter krigen, i 1947, og Bø vart det siste landsgymnaset som kom i gang i landet vårt.
