FLYTTEDAG: Måndag var det bokflyttedag. Her er dagleg leiar på Sauherad frivilligsentral, Lisa Dawn Aarnes (f.v.), saman med Lynn Anita Tandberg og språkpraktikant Daniel Novikov frå Midt-Telemark bibliotek.
Gro B. Røiland
Frå utlån til bokbytte: Nå kan du ta bøker med heim utan å låne
Finn du ei bok eller to i hylla på Kjernehuset, kan du heretter ta dei med deg heim utan å låne. Det kan vera kasserte bøker frå biblioteket eller bøker som naboen din har donert.
Måndag var konsulent Lynn Anita Tandberg og språkpraktikant Daniel Novikov på Kjernehuset med flyttekasser for å hente utlånsbøkene frå biblioteket. Tysdag kjem Tandberg tilbake for å fylle opp hyllene på nytt. Også da med bibliotekbøker, men ikkje til utlån. Desse kan ein ta med seg heim utan å registrere lån.
