DANS: Konserten blei avslutta med fullt dansegolv.
Gro B. Røiland
Inger Marie, Arnfinn, Gunnar og Sveinung blei heidra med spel og fullt dansegolv
Fire markante personar i folkemusikkmiljøet i Bø blei heidra på Sandvin fredag kveld. Dei blei heidra med spel, dans, kveding og ikkje minst mange gode ord.
Med Bøkappleiken følgjer alltid ein temakonsert, og i år var den via Inger Marie Olsen (1977-2023), Arnfinn Staurheim (1942-2024), Gunnar Innleggen (1940-2024) og Sveinung Dalen (1922-2024). Fire personar frå ulike generasjonar som alle har betydd mykje for folkemusikken og folkedansen i Midt-Telemark, som alle var med i Spelemannslaget Bøheringen og som alle har gått ut av tida i løpet av det siste året.
