Kva for eit flagg skal me bruke?

Dei aller fleste av oss ynskjer å leve i harmoni og fred med kvarandre. Vi ynskjer at livet skal vere fylt av glede og vanlege veker, med arbeid og kvile der familie og vener trivast. Konfliktar, strid og krangling ligg ikkje for meg eller folk flest. Nokon av oss er gode på å vere konfliktsky, vi unngår dei vanskelege sakene som får temperaturen til å stige. Sommaren har vore ei slik tid, der dei vanskelege sakene har fått ligge for ein stund.