– Mannen er jo legendarisk. Det er så gøy at han spelar med lokale folk
Laurdag var det konsert med gitaristen Dick Taylor frå The Pretty Things og Akkerhaugen Raid på stasjonen. Der fekk publikum høyre god musikk og morosame historier frå Taylor sitt liv.
For ni år sidan fekk ei sterk drivkraft i Akkerhaugen Rocksamfunn, Bjørn Arve Skjeslien, bandet The Pretty Things frå England til å spele på Akkerhaugen stasjon. Etter det har Skjeslien heldt kontakten med gitaristen i bandet, Dick Taylor, som i 1962 var han med på å starte bandet The Rolling Stones, men som han forlot fem månader seinare da han skulle studere på ein kunstskule. Der etablerte Taylor eit nytt band kalla «The Pretty Things», som har laga musikk med preg av «rythm & blues» og rock.
