– Medan ungdom vil redde verda, vil dei vaksne og eldre arbeide for betre lokalsamfunn

Dugnad blei kåra som Noregs nasjonalord i 2004 av NRK. Dugnad er ei arbeidsform som blir bruka i dei fleste landbrukssamfunn i verda. Her på landsbygda var det vanleg å kome saman til dugnad ved husbygging, slått eller gjerding. Ordet kjem av gamalnorsk dugnadr – hjelp, støtte, men først på 1600-talet blei ordet bruka om organisert ulønna arbeid. Ordet blei da også bruka om festen som avslutning på lagarbeidet. Dugnadsfolket skulle trakterast med mat og drikke gjennom dagen og så ende med eit større måltid. Ordet er ikkje brukt om ei organisert arbeidsform i andre nordiske språk.