Dette er noko me kan vere stolte av

Imponert og stolt er adjektiv ein kan bruke om fruktbygda Midt-Telemark. I eit vakkert og vêrstabilt område har det blitt dyrka frukt i generasjon etter generasjon, og i dag kjem kvart tredje eple i Noreg frå vårt distrikt. Rundt Norsjø bognar det av frukt i alle variantar på denne tida, og bak all denne fargerikdommen ligg det mykje hardt arbeid og dedikasjon, både hos den enkelte fruktbonde og næringa generelt. Det blir jobba hardt både med dyrking, utvikling og marknadsføring av dette viktige landbruket.