– I ein kvar krig er det folk det handlar om – folk som deg og meg

24. februar er det eitt år sidan me vakna opp til nyheita om at Russland hadde invadert Ukraina. For dei fleste var det nesten ikkje til å tru, og brått blei verda litt annleis for oss som heilt sidan 1945 har sitte på ei grøn grein, langt frå galskap og grusomheiter i verdas mange krigar. Plutseleg var krigshandlingar igjen nær oss, i Europa, på vårt kontinent, og ikkje så veldig mange hundre mil unna. Sjølv om me i Noreg ikkje har blitt råka direkte av krigen i Ukraina, er den nær nok til at det har skapt usikkerheit og redsel for at det kan bli noko meir. Situasjonen er fortsatt ustabil, og ei løysing førebels langt unna.