– Kommunen må aldri gå i fella og undervurdere det frivillige arbeidet

Frivilligåret 2022 går sin gang, med ulike arrangement og fokus på alt det viktige gratisarbeidet som blir skapt av engasjerte og arbeidsvillige menneske i heile Noreg. I Midt-Telemark er det òg eit hav av folk som bidreg på mange vis, og lokalavisa er privilegert som får vise fram ein god del av den store innsatsen som blir lagt ned på ulike område. Dét er takka vere innbyggjarar som brukar fritida si til å gjere ein innsats for andre og bygda si. Ein finn dei overalt, og utan eldsjelene kan me sjå langt etter alle tilboda som me har i kommunen vår i dag.