– Verda har blitt meir krevjande – er me rigga for å takle det?

Det ser ut til å bli ein tung haust og vinter. Mørke skyer heng over verda, landet vårt og lokalsamfunnet. Me har nett vore gjennom ein lang og krevjande pandemi, som forhåpentleg har fått oss til å tenkje og rigge oss for neste helseutfordring i lokal- og storsamfunn. Me bør vere førebudde, for slik verda er nå, blir det truleg ikkje den siste pandemien me har sett.