– Me bur i verdas mest pressefrie land, og det kan me vere glad for

Det finst ein plakat som fortener å bli snakka meir om. I år er det 70 år sidan Redaktørplakaten såg dagens lys. Den 22. oktober 1953 blei denne erklæringa vedtatt av Norske Avisers Landsforbund og Norsk Redaktørforening, og den har blitt revidert og styrka både i 1973 og 2004. Redaktørplakaten synleggjer redaktørens ansvar, plikter og rettigheiter, og skal sikre redaksjonell fridom. I 2009 blei kjernen i plakaten lovfesta, og for fire år sidan blei dagens utgåve underteikna med eit modernisert språk.