– Me skal vere glad for at nokon tek jobben som lokalpolitikar

Det siste halvåret har det blitt jobba aktivt i dei politiske partia i Midt-Telemark. Å skaffe folk som seier seg villig til å stå på partia sine vallister er nødvendigvis ikkje ein enkel jobb. Ein skal få med seg dei som er både innsatsvillige og engasjerte i lokalsamfunnet sitt, samt tilpasse lista etter kjønn, alder, etnisitet og bustad. Enkelte gonger går det greitt, andre gonger er det meir strevsamt å fylle listene slik at dei blir representative.