– Nå er det tid for sparing, og me må alle omstille oss

Me må slutte å bli så sjokkerte. Me må slutte å klage og leite etter ein eller annan som kan løyse problema våre, anten det er staten eller kommunen, naboane eller nokon andre. Me må slute å stille krav opp og i mente. Så sant me kan og er i stand til det, må me alle nå ta tak i eige liv og gjere noko med det sjølv. Me må bidra. Me kan ikkje gå rundt i Midt-Telemark å tru at verda ikkje skal forandre seg, eller at me ikkje skal merke konsekvensane av at det er nedgangstider, krig, straum- og drivstoffkrise. Me som er nordmenn har det godt relativt sett og me er nøydd til å innsjå at alt det som skjer i samfunnet også vil påverke oss på ein eller annan måte framover. Me må førebu oss, og kanskje endre på vanane våre. Det må endring til.