– Nå må me rigge oss annleis, for dette blir ikkje siste gong

Livet er ikkje alltid rettferdig, og byrdene blir ikkje likt fordelt. Den tanken var det vel fleire som var innom da me førre veke fekk varselet frå Noregs vassdrags- og energidirektorat (NVE) om at me bare kunne førebu oss på meir uvêr og flaum i kommunen vår. Og varselet slo til. Bare seks veker etter at flaumen råka oss midt i ferietida og skada både bruer, hus, vegar og campingplassar, skulle himmelen opne seg for fullt att. På ny strøymde store nedbørsmengder ned over Midt-Telemark.