FLAUMSKADAR: Også Midt-Telemark har fått merke skadane flaum kan gjere. No vil det politiske fleirtalet redusere faren for skadar (illustrasjonsfoto).
Marta Kjøllesdal, arkiv
Breitt forlik om styrka innsats for flaum- og skredfare
Arbeidarpartiet, Høgre, Senterpartiet, Frp og KrF har gått saman om eit breitt forlik for å redusere faren for flaumskadar og som gjer det muleg å byggje ut meir kraft.
– Ekstremvêret «Hans» førte til store øydeleggingar sommaren 2023, med ein prislapp på fleire milliardar kroner. Difor har eit breitt politisk fleirtal på Stortinget no samla seg om å styrkje innsatsen mot flaum og skred i behandlinga av Stortingsmelding 27.
