T
Brenna-prosjektet blir dyrare
I Bø formannskap i dag kom det fram at kostnadsrammene for bygging av Brenna miljøstasjon må utvidast med ytterlegare fire millionar kroner. Total ramme utvidast dermed frå 16 millionar kroner til 20 millionar kroner. Glenn Isaksen (Ap) var kritisk både til kostnadsauken og måten prishoppet skjer på.
Det interkommunale renovasjonsselskapet IRMAT byggjer miljøstasjon på Brenna. Stasjonen skulle stått ferdig 1. november, men det har blitt store forseinkingar da hovudentreprenøren gjekk konkurs i haust. Det lokale selskapet TGB har etter ei tid med full stans teke opp att grunnarbeidet sitt etter avtale med IRMAT. No har ferdigstilling av bygningsdelen vore ute på anbod og kostnaden for å fullføre viser seg å bli heile fire millionar kroner dyrare enn opphavleg prosjekt.
