HEISTE REGNBOGEFLAGG: På Gvarv skole blir Pride-flagget heist opp for første gong i 2022. F.v. varaordførar Ingebjørg Nordbø, ordførar Siri Blichfeldt Dyrland og Ruben Forbergskog, komitemedlem i Bø bygdepride
Privat
Brukar seks møte på Pride-flagg, og lite tid på å gje vekk fire millionar
– Det set ting i perspektiv når ein brukar så mykje tid på ei så lita sak. Og så brukar me nesten ikkje tid på å gje vekk fire millionar kroner i eigedomsskatt, seier kommunepolitikar Per Atle Einan (SV).
I vår var saka om flaggreglement oppe i kommunestyret i Midt-Telemark for sjette gong på knapt tre år. Då er ikkje dei to gongene då same sak var med i ein interpellasjon (spørsmål til ordføraren) talt med. Det tok ikkje like lang tid å endre innkrevinga av eigedomsskatt og kutte fire millionar kroner i inntekt.
