– Dei som er i krise treng alltid å møte ei open famn

I norske kommunar er det stor vilje til å ta imot menneske som flyktar frå den pågåande krigen i Ukraina. Det viser ei kartlegging som Kommunesektorens organisasjon (KS) gjennomførte tidlegare i denne veka. 269 kommunar svarar umiddelbart ja til å busette fleire flyktningar, noko som viser at det er eit stort ønskje om å bidra i den internasjonale og nasjonale dugnaden for å hjelpe folk som er på flukt frå krigshandlingane. Også i 2015 da ein stor straum av flyktningar kom frå Syria gjorde kommunane ein formidabel innsats da dei blei bedne om å ta imot og busette folk som var på flukt derfrå.