Den aller fyrste skulen i Bø

Ja, den heitte så, den fyrste fastskulen i Bø. Luthers Minde opna dørene for elevane i 1823, altså for 200 år sidan. Skulen låg på Grauteknapp, og skulehuset var i to høgder slik det kjem fram på biletet her. Inngangsdøra var midt på langveggen. Når ein kom inn døra hadde ein skule­stova til venstre, og på andre sida av gangen hadde læraren, som også var klokkar i bygda, ei stove og eit soverom. I andre høgda var det mellom anna eit stort rom som vart nytta til heradsstyremøte og andre møte.