– Dette er rett og slett medisin
Det var konsert i kafé Hellos på Bø sjukeheim fredag ettermiddag. Der blei det kjempestemning, hyggeleg samvær og nokon fekk seg også ein svingom.
Trivselsgruppa på Bø sjukeheim hadde invitert landskjendis Tore Halvorsen (74) frå Ole Ivars til å halde konsert i kafé Hellos. Songstjerna fekk opp stemninga, og både smil, latter og klapping sat laust langs dei fint oppdekka borda i kafèlokalet. Det var dekt på til cirka 50 personar, men det kom mange fleire.
