BORTEBUAR: Øyvind Haugland (33).
Privat
– Eg har det som plomma i egget i verdskjente Narvik
Øyvind Haugland (33) har budd sju ulike plassar sidan han flytta frå Bø etter vidaregåande. No bur han med sambuar og hund i Narvik, kor han stortrivst i jobben som politi.
Når flytta du frå Midt-Telemark – og kva har du gjort sidan?
– Eg flytta vel frå Bø etter vidaregåande, og har budd litt «overalt» sidan. Plassar eg har budd er Bardufoss, Sogndal, Kongsvinger, Oslo, Skien, Kristiansand og Narvik. Eg var i Forsvaret før eg studerte diverse ting for å bygge kompetanse til å søke Politihøgskulen. Etter at eg avslutta studiane der gjekk det slag i slag med variert arbeidserfaring, før eg endte opp i Narvik. På denne reisa har diverre Bø-dialekta blitt utvatna, men eg tek meg i det når eg kjem heim.
