Eventyrlege forhold på Lifjell
Det er rekordtidleg sesongstart for ski og aking på Lifjell. Det er kome godt med snø og kjentfolk melder om eventyrlege forhold.
Det meldast om mykje snø og ein rekordtidleg start på vintersesongen på Lifjell. Sundag nytta mange høve til ein tidleg ski- og aketur på Lifjell i det fine vintervêret. Lifjell skisenter melder at løypene rundt på Jønnbu er køyrt opp. Løypekøyrar Folkestad har også hatt den første turen opp mot Glekse og køyrt tråkkemaskina opp til hyttene under Tunglijuvet. Nokre som veit kva dei snakkar om (les Brukås) seier det er kome over 60 centimeter snø i høgda og at det no er eventyrlege forhold.
