Fekk sjå skadane etter styrtregnet
Midt-Telemark hadde fredag ministerbesøk. Staten ønskjer å halde seg orientert og følgje opp situasjonen i Bø etter krisehendinga 22. juli.
I dag fredag var energiminister Terje Aasland på besøk i Bø for å sjølv sjå på skadane etter styrtregnet i Bø 22. juli. Han blei møtt av ordførar Siri Blichfeldt Dyrland, fungerande kommunedirektør Øystein Tveit, einingsleiar kommunale bygg og eigedom, Jan Roger Bredesen og driftsleiar på teknisk, Olav Langkås.
