– Felebygdas eigen festival lever i beste velgåande

Etter ein nedskalert og amputert festival i koronaåret 2020, var Telemarkfestivalen tilbake for fullt i år. Tilbakekomsten var slettes ikkje verst, med så godt besøk ein kunne vente etter gjeldande smittevernreglar, og eit særs godt og tett program. Dei som deltok fekk dessutan gode musikkopplevingar i fleng. Det beste av alt var kanskje å sjå at felebygdas eigen festival byrjar å få sterkare rotfeste blant fleire innbyggjarar.