BEKYMRA: – Eg har aldri opplevd at vasstanden har vore så låg over så lang tid i Bøelva, seier Anne Kirsti Sanda Torekåsa i fiskelaget.
Anna Bugge
Fiskelaget er bekymra: – Me har aldri sett så lite vatn i elva over så lang tid
Bø fiskelag er bekymra over den låge vassføringa over lang tid i Bøelva. Leiaren i lakseutvalet er redd for at laksen i verste fall ikkje får gyte.
Kvart år mellom juni og september kjem fiskeglade folk til Bøelva for å fange laks. Ifølgje leiar for lakseutvalet i Bø fiskelag, Anne Kirsti Sanda Torekåsa, har det ikkje vore mogleg i år på grunn av låg vasstand i elva. Ho er bekymra for at fisken ikkje kjem opp elva og dermed ikkje får gyte. Torekåsa stiller spørsmål om heving av minstevassføringa kan vere ei løysing.
