Fleire tar tog, men punktlegheita blir dårlegare

– Aldri har så mange tatt toget i Noreg som i 2024. Samstundes peikar pilene for punktlegheit nedover. Det tyder på at me må jobbe enda hardare for å snu utviklinga, slik at toget held fram med å vere eit populært val. Vår viktigaste oppgåve framover er å fikse jernbanen. Me prioriterer vedlikehald og fornying for å redusere forseinkingar og innstillingar, seier samferdselsminister Jon-Ivar Nygård, som i dag heldt si årlege jernbanetale.