T
Fleire ungdommar stel på Bøsenteret
Butikkane på Bøsenteret har den siste tida tatt fleire unge jenter for nasking. Sakene blir anmeldt og kan få alvorlege følgjer for ungdommane.
Senterleiar Tove Lundeberg Bringa går nå ut og åtvarar både foreldre og spesielt unge jenter om følgjene som tjuveri og nasking kan få for dei unge. Dei kan få slike saker på vandelsattesten sin. Bakgrunnen er ein trend som tilsette i butikkane på Bøsenteret har oppdaga den siste månaden: Unge jenter heilt ned i 10-12-årsalderen blir oppdaga og tekne for nasking i butikkane.
