STOR FOLKEVEKST. Bø hadde stor folkevekst i perioden 2000-2019. Tilflyttarane kom frå mange ulike stader i Noreg, men dei aller fleste som kom flyttande kom frå utlandet. Familien Bakker Dybro er blant dei. F.v. Mads, Jalte, José og Xander.
Hilde Eika Nesje
Folk flyttar til Bø frå veldig mange stader
Gjennom heile 2000-talet har det vore god folkevekst i Bø kommune. Heile 9238 personar har flytt til kommunen i perioden 2000-2019.
Kor kjem dei som flyttar til Bø frå? Unike flyttetal som er bestilt frå NRK frå Statistisk sentralbyrå til folkevandringsprosjeket som statskanalen har med lokalavisene landet rundt, viser at dei fleste som har flytt til Bø har kome frå utlandet: 1703 personar har meldt flytting til Bø mellom 2000 og 2019.
