Guro og Olav fekk fiksa syklane. Maria og Marta fekk fiksa kleda
Laurdag var den store reparasjonsdagen i Bø. På torget stod dei tre trufaste sykkelmekkarane og fiksa syklar, mens på Bøsenteret lærde husflidslaget folk å reparere klede.
Syskena Guro og Olav Kleivi Sollid var blant dei mange som kom til Bø torg laurdag der det var sykkelmekkedag. Barna er igang med å sykle til skulen, og det var kjekt å få ein sjekk av tohjulingane før sesongen startar for alvor.
