Høgvoll klar i 2021
Innan sommaren 2021 skal nærings- og bustadbygget Høgvoll stå klart til bruk. Her skal det bli 20 leilegheiter og kanskje ein liten kaffibar også. NAV leiger 702 kvadratmeter til sitt hovudkontor i Midt-Telemark.
Bø-selskapet Eiendomsdrift AS står bak bygginga av eit stort nærings- og bustadbygg i krysset Folkestadvegen-Lektorvegen i Bø sentrum. Aktørane har med seg Eiendomsmegler 1 i Bø som ansvarleg for meglarjobben. Tidlegare har det blitt sagt at prosjektet vil få ein prislapp på rundt 80-90 millionar kroner.
