Kø heile sommaren: – Me blei tatt på senga, det har tatt heilt av
– Alle får ein liten boost av å ha funne eit lite hol i marknaden og av at det fungerer så bra, seier ølbryggar og fruktbonde Eivin Eilertsen.
I juli såg ein splitter ny hagerestaurant i Midt-Telemark dagens lys. Ein allereie godt etablert bedrift i fruktbyga ville prøve noko nytt, og det har den klart med glans. På Lindheim Ølkompani har nemleg det nye restauranttilbodet tatt heilt av. I den vakre hagen på garden kombinerer dei italiensk mattradisjon med lokale produkt som dei dyrkar og sylter sjølv, og det har slått an.
