KRAFTKAR: Halvor var gift to gonger. Her ser vi Halvor med kone nr. 2 Anne J. Grivi og dottera Bergit (Bella).
Bø Museum, arkiv
Kraftkaren på Torstveit var vennesel, men ville ikkje ha folk på tærne
I Bø fanst det i gamle dagar ikkje så få kjempar som var namngjetne for styrken sin. Ein av desse kraftkarane var Halvor Torstveit (1831–1911).
Kjempekreftene sine fekk Halvor Torstveit bruk for i sitt praktiske liv. Ordet kraftkar kan sjølvsagt gje assosiasjonar til krangel og nevekamp, og det var ikkje fritt for at nevane blei brukt til andre ting enn arbeid. Som me skal sjå her, har Halvor vore gjenstand for ein del historier opp gjennom tida.
