Krav til sjølvbetente butikkar
Helsedirektoratet har sendt ut brev til kommunar og aktørar i daglegvarebransjen med krav om innskjerping av rutinar ved sal av alkohol i sjølvbetente butikkar og kasser. I vår region er det to butikkar som per i dag har sjølvbetente kasser: Hegna landhandel (Seljord) og Coop på Gvarv.
Helsedirektoratet tek opp rutinar rundt tekniske løysingar, kontroll av alder og faren for sal til personar som er påverka av rusmidlar. Direktoratet seier at forbodet mot sal og utlevering av alkoholhaldig drikk til personar som openbart er påverka ikkje kan gjerast ved at det berre blir brukt ubemanna tekniske løysingar ved betaling.
