Vassdraget har sitt utspring i Mjågetjønn og det myrlendte området rundt opp mot Roheimheia. Nedover i elva som til slutt munnar ut i Bråfjorden sud for Nautesund, finn vi fleire damanlegg og anna for fløtning av tømmer. Før skogsvegane blei gode nok til å frakte tømmeret på frå dei rike skogane her oppe, var dette den beste måten å få det ned på. Truleg har elva blitt nytta til framkomst av tømmer lenge før det anlegget vi ser i dag tok form og blei teke i bruk.
