SPONSA SKULESEKK: Svein Haug (bak t.v.) og Jon Vegheim (bak t.h.) er glad for å kunne sponse skulesekkar til rektor Ruth Olaug Tellnes og førsteklassingane Rakel Sætra Erikstein (t.v.) og Eivor Olsen Djuvik.
Privat
Måtte sponsor til for å sikre førsteklassingane nye og fargerike sekkar
I år har 101 førsteklassingar ved skulane i Midt-Telemark fått like og godt synlege skulesekkar ved skulestart. Det kan dei takke ein lokal sponsor for.
– Det er veldig fint at ungane får kvar sin heilt nye skulesekk. Det har ein utjamningseffekt, og alle ser like ut. Ingen treng å kjøpe ein ny, kostbar sekk på eiga hand. Elevane blir dessutan synlege i trafikken, og bilistar, syklistar og andre gåande ser med ein gong at her er det førsteklassingar på veg til og frå skulen, seier rektor ved Bø skule, Ruth Olaug Tellnes.
