– Me kan i alle fall heise flagget for innsatsen til innbyggjarane

Me er på tampen av mai og nærmar oss juni, som i Midt-Telemark er den store dugnadsmånaden. Ikkje for det, det blir lagt ned uendeleg mange dugnadstimar gjennom heile året i vår kommune, og det skal me vere stolte av. Juni er likevel den mest konsentrerte tida der det blir jobba frivillig over ein låg sko. Midt i alle krevjande saker som tappar oss litt, som dårleg kommuneøkonomi, skulestruktur-debatt, konkursar, nedleggingar og arealplanen på Lifjell, kan me i alle fall heise flagget for innsatsen til innbyggjarane i kommunen vår – sjølv om det alltid trengst fleire til å bidra.