Med blanke ark og fargestiftar til

Så kom solsnu, så kom jula og nå, om me vil eller ei, så kjem årsskiftet. Me feirar at me får oppleva inngangen til eit nytt og ubruka år. Men i år er det liksom litt spesielt, me skal i tillegg til å skifte år, gå frå Bø kommune som juridisk eining til ein splitter ny Midt-Telemark kommune. Etter å ha vore trulova i mange år, skal me nå endeleg starte eit lovleg samliv med sauheringane, eit folkeslag som etter ryktet å døma, lever stort sett av frukt og bær. Dei har truleg Norges svar på Middelhavsdietten, og eg reknar med at dei blir svært så gamle. Det er jammen bra at me har to gamleheimar!