MOTFORSLAG: Gunnar Snippen frå FrP (bakerst) og Chase Alexander Jordal frå Senterpartiet (midten) var ueinige med kommunedirektøren, og kom begge med forslag til vedtak. Ingemar Bråten frå Høgre støtta dei.
Marta Kjøllesdal
Meiner administrasjonen driv for mykje politikk
Medlemmane i formannskapet har vore ueinige om korleis den nye kommunedelplanen for Lifjell skal vere.
Formannskapet har vore ueinige om Lifjellplanen både internt, med administrasjonen og med dei som kan stoppe planen, som til dømes Statsforvaltaren, Telemark fylkeskommune og NVE. Desse tre etatane har også kome med motsegn mot deler av den foreslåtte Lifjell-planen. Dersom kommunen ikkje blir einig med desse tre aktørane, kan dei hindre at ein får vedteke ein gyldig plan. Det vil seie punkta der Statsforvaltaren, Telemark fylkeskommune og NVE har kome med motsegn (er ueinige i planen). Planen må da endrast, eller ein må bli einige via forhandlingar.
