HISTORISK VELKOMST: Folk som gjekk av toget i Bø søndag klokka 13.26 fekk ein historisk velkomst.
Gro B. Røiland
Møtt av korpsmusikk og full perrong
Dei kom frå Bane Nor, Go-Ahead og Stortinget for å feire 100-åringen Bø stasjon. Men fyrst og fremst kom dei frå heile bygda.
Nærmare 150 menneske var samla til jubileumsfeiring på Bø stasjon, da 13.26-toget frå Oslo rulla inn på den hundre år gamle stasjonen. Passasjerane som gjekk av toget i Bø blei møtt med korpsmusikk. Og på denne spesielle dagen, nesten på timen 100 år etter det aller fyrste, var toget i rute.
