FINVÊR: Til helga er det meldt kaldt og fint vêr i Midt-Telemark.
Øystein Akselberg
Nå kjem sprengkulda til Midt-Telemark – og sola
Etter ein periode med mykje skya vêr og nedbør, vil det bli solrike dagar i Midt-Telemark komande helg. Temperaturen vil òg krype nedover på gradestokken.
Dei som likar kalde vinterdagar kan nå sjå fram til skikkeleg vintervêr i Midt-Telemark. Ifølgje vêrvarslinga yr.no vil det frå i dag bli merkbart kaldare, og gradestokken vil vise ned mot minus 14 grader på det kaldaste denne helga. På dagtid vil ein få mellom minus to og minus ni grader, og kaldast skal det bli laurdag.
