Rektor får medalje: – Har gjort banebrytande arbeid

Neste år er ikkje Petter Aasen lenger rektor ved Universitetet i Søraust-Noreg (USN). Til då har han vore den einaste. Han var også rektor den gongen det heitte Høgskulen i Søraust-Noreg etter at Høgskolen i Telemark slo seg saman med Høgskolen i Buskerud og Vestfold i 2016. Han starta som rektor ved Høgskolen i Vestfold i 2007. Til det som vart USN kom han frå leiarjobbar i universitetsmiljøet i Trondheim.