Siv starta eige firma: – Det som skulle vere eitt år i Sør-Afrika blei til 17

Når flytta du frå Midt-Telemark?
– Eg flytta frå Bø i 1993 for å begynne på Toneheim Folkehøgskule ved Hamar. Etter dette studerte eg på Lærarutdanninga ved Hamar og reiste derifrå til Oslo for å ta eit grunnfag, mellomfag og sidan ein master ved Høgskulen i Oslo. I 2000 budde eg i Bø eit år før eg flytta til Sør-Afrika på eit årsengasjement i Fredskorpset. Det året blei til 17 og lærarjobben vart bytta ut med ein jobb i turisme som guide, reiseleiar og turoganisator i eigen bedrift – Nordsør Travel. Eg hadde til og med besøk av Bø skulemusikk medan eg jobba for meg sjølv, det var eit høgdepunkt. Det var ei spennande og variert tid, men ganske slitsomt med tre små gutar. Cape Town var ein fin by og bu i, så det var kanskje derfor det vart så mange år ute.