– Takk til Kaja for innlegget om å vere student i Bø

Takk til Kaja Bø Kaasa for innlegget i Bø Blad, 19. oktober om å vere «einsam student» i Bø, eit tema som blei vidare tatt opp i Varden, 30. okt. «Å være einsam» betyr her å vere utan medstudentar. Kaja gir ei god skildring av utviklinga på studiestaden Bø innafor USN-systemet. Studentar kjem ikkje lenger i store mengder til Bø for å studere. Undervisning blir ofte gitt som korrespondansekurs på nettet. Det er sjølvsagt eit godt tiltak for eldre studentar som då kan sitte heime å ta universitetsfag over data, på «zoom» som det vel no kallast. Men det ser ut som om talet på faste studentar i Bø, og andre stader i USN-systemet, blir stadig mindre.