TORE OG DAMENE: Tore Aaland (midten) er einaste hane i kurva på jobb. Nå blir han snart pensjonist. F.v. Birgitte Bøen, Anne Hagen Stridsklev, Mariann Todal, Elizabeth Kasin, Hilde Vatnar, Ingebjørg Nordby Vibeto og Valeria Sunde.
Gro B. Røiland
Tore har halde både kommune-Telemark, Beckham og Solskjær i øyro
Tore Aaland (68) likar å rekne og passe på at folk følgjer reglar. Det gjeld både kommunar og internasjonal fotball. Nå takkar han snart av som revisor, men ikkje som fotballdommar.
Dette er eit intervju med rekneskapsrevisor Tore Aaland, som etter 41 år på same arbeidsplass nærmar seg livet som pensjonist. Men det er også eit intervju med fotballdommar Tore Aaland, som etter 49 år på fotballbanen ikkje er klar for å pensjonere seg. Interessa for tal og for å passe på at folk følgjer reglar gjeld nemleg både på og utanfor revisjonskontoret.
