V
Underskotet veks, sjølv om kommunen får dei pengane den skal
Bø og Sauherad gjekk 40 millionar i minus då dei to kommunane slo seg saman. Nokre månader ut i 2023 ser meirforbruket ut til å bli 60 millionar kroner.
Midt-Telemark held fram med å bruke meir pengar enn kommunar ein kan samanlikne seg med. Størrelsen på beløpet har variert, men Midt-Telemark kommune brukar mellom 40 og 60 millionar kroner meir enn den har. Og overforbruket veks. I 2020 låg det to prosent over gjennomsnittskostnadane i kommunane, i 2022 nesten fire prosent over. Det viser tal frå Telemarksforsking.
