FAST SPALTIST: Solfrid Bratland-Sanda er fast spaltist i Bø blad - Lokalavis for Midt-Telemark.
Hilde Eika Nesje
Bading er sunt – året rundt?
Solfrid Bratland-Sanda er professor i idrett på USN, politifrue og MTT (mor til tre). Telemarking med hjarte for fysisk aktivitet, forsking, formidling og folkedrakter. Kjem frå Bratland-slekta i Vinje, der songstemma er skeivt fordela og dei som ikkje kan synge saumar bunad.
Ein haustdag i 2009 sat eg ved Nøklevann i Oslo. Eldstemann på tre år leika med far medan veslebror på nokre månader låg i fanget mitt. Sola varma framleis, sjølv om bladene på trea hadde kledd seg i gult, raudt og oransje. På den vesle brygga rett ved der eg sat, vagga det to stokkender. Den eine hoppa ut og svømte rundt utan å nøle. Den andre stakk foten forsiktig ned i det kalde vatnet, trakk den raskt opp igjen og rista på både foten og stjerten. Han kvakka, og eg er sikker på at han klaga over at det var kaldt før han tok sats og svømte etter.
